陈方安生退出政坛想甩身？官媒：想走？冇咁易

官媒喺文章中就话，“港版国安法”立法工作正在稳步推进，仲形容喺之前一直气焰嚣张嘅乱港分子，如今都难掩慌乱，仲引述网友啲精警评论，话“国安法一出，牛鬼蛇神即现形”，更加笑嘲呢班一直同中央政府对抗嘅人士，形容依家嘅情况就系“港毒本是同林鸟，大难临头各自飞”。

文章又引述民主阿婆日前宣布退出政坛时，话自己“想要过一段较为平静的生活”。官媒批评，民主阿婆同其他反中乱港人士过去将香港搞到咁唔平静，但如今竟然讲呢番说话，形容成件事非常讽刺；又质疑民主阿婆过去一直搅乱香港，但就想靠讲一句退落嚟就可以当乜事都冇，反问呢个世界系咪真系有啲咁着数嘅嘢呢？

官媒又话，“港版国安法”在港通过在即，强调乱港分子冇可能靠一走了之躲避惩罚，仲引述喺社交平上有网民话，“想走！没那么容易！汉奸没有一个好下场！”

查实自从中央政府宣布制订“港版国安法”开始，过去有唔少反中乱港人士都开始有啲“缩沙”嘅迹象。就好似同属“叛国祸港四人帮”嘅民主党(白鸽党)创党主席李柱铭(李汉奸)咁，佢早前因组织及参与未经批准的集结及非法游行等罪名被捕时，就话过可以同一众年轻人一齐行民主路，觉得舒服晒；但佢日前接受外媒访问时，又闹爆提倡揽炒嘅人系一无所知。唔系李汉奸系咪因为惊咗“港版国安法”，所以吓到前言不对后语呢？

另外，被内地官媒炮轰为“叛国祸港四人帮”之首、有“汉奸黎”之称嘅壹传媒黎智英，佢涉嫌喺旧年8月至10月期间，多次参与和组织未经批准的反修例游行，早前被捕及控以多项罪名。佢日前接受日本杂志访问嘅时候，亦都话觉得自己嘅情况唔乐观，仲话估计自己或者会被判囚6个月添！